Exposición fotográfica .O RIBEIRO : Un outono encantado , un futuro incerto.
O mércores dia 5 de decembro inaugurase na igrexa da Magdalena unha exposición fotográfica sobre a riqueza da paixase e recursos naturais na comarca do Ribeiro. Tamén intentamos poñer de manifesto o futuro que nos espera se chega a instalarse o macroparque de tratamento de refugallos " Parque medioambiental de Carballeda de Avia " .
Organiza : Foro do Ribeiro " Temos dereito a saber "
Autora : Mimia Davila Pousa
Dito acto sera presentado pola actriz Mabel Rivera e proxectarase o documental :
O Salario do silencio
El Salario del Silencio é un traballo documental que pretende aportar unha información obxectiva e contrastada sobre a problemática da planta regasificadora construída dentro da Ría de Ferrol, na parroquia de Mehá (Mugardos). Pero o que pretende, sobre todo, é axudar a romper o silencio que sempre rodeou a esta instalación e informar á sociedade de cómo se levan a cabo certos proxectos empresariais ou urbanísticos que poden afectar gravemente aos cidadáns, aos que nunca se lles consulta sobre decisións que atentan impunemente contra as súas vidas, o seu entorno e, sobre todo, a súa seguridade.
O silencio (ou a manipulación) dos medios foi de tal alcance que non é de extrañar que os afectados, aos que poucas veces se lles dá oportunidade de falar sen cortapisas, se volcasen con absoluta xenerosidade neste traballo, ávidos de poder manifestar todo aquilo polo que levan tanto tempo loitando sen recibir a atención que merecen, tanto polo seu esforzo como pola gravidade dos feitos que denuncian.
Contamos coa inestimable colaboracióin das numerosas asociacións e colectivos veciñais, profesionais, ecoloxistas, xurídicos, culturais, corpos de seguridade, sanitarios, etc., etc., que integran o Comité Cidadán de Emerxencia. E contamos tamén coa negativa dos responsables directos desta situación: tanto os directivos da planta como certos alcaldes e algún que outro concellal e alto cargo, ou ben se negaron a ser entrevistados, ou ben seguimos agardando a que se poñan ao teléfono. Se por eles fose, o silencio continuaría.
NAMCHE FILMS
