10 RAZÓNS PARA NON TRAGAR

1.- O Vertedoiro é ilegal.

A Lei prohíbe as actividades molestas, tóxicas, insalubres ou perigosas a menos de 2 Km das áreas poboadas. Para colmo, afectará espazos naturais protexidos.

2.- As industrias do Vertedoiro non son necesarias para o Ribeiro.

A nosa Comarca atópase no eixo Vigo-Ourense e dispoñemos dos poucos espazos que quedan libres para que se instalen industrias sanas con bos empregos (San Cristovo, Melón, A Cañiza…)

3.- Se nos ocultan datos: a táctica de sempre.

Os promotores fan publicidade ocultando os datos negativos. Trátase de abortar as reaccións a tempo: a mesma táctica usada en cerceda e Nostián.

4.- Ofreceranse empregos moi insanos e mal pagados.

Os traballadores inhalarán en todo momento esporas, restos orgánicos e sustancias canceríxeñas. Ademais, deixaranlles os postos peor pagados: vixilancia, separación manual de residuos, etc. Os informes do Ministerio de Traballo sobra a saúde laboral deste sector son inequivocamente negativos.

5.- As nosas propiedades perderán moito valor.

A venda de terras e vivendas nas localidades próximas a estas instalacións diminúe drásticamente por culpa dos cheiros insoportables, do axetreo e polo elevado risco de padecer enfermidades.

6.- É un proxecto profundamente inxusto: o Ribeiro será un ruinoso vertedoiro para que prosperen as industrias do sur.

A única preocupación da Xunta é librarse dos refugallos das empresas do sur galego: se estas industrias melloran os índices económicos, o grupo gobernante obterá vantaxes electorais.

Ademais, a elección desta Comarca baséase unicamente no aforro en transportes (autovía). Sobran os espazos deshabitados, pero destruírnos resúltalles extremadamente lucrativo.

7.- A pranta será un descomunal experimento de eliminación de residuos difíciles.

Non existen antecedentes de reciclaxe de materiais perigosos a un nivel tan inmenso.

Nin a máis avanzada tecnoloxía recicladora pode eliminar totalmente os residuos: unha cantidade crecente de elementos tóxicos queda sen tratar e, frecuentemente, fora de control. Ademais, os filtros que limitan as emisións (moi caros), sufren frecuentes averías que tardan en repararse.

As 302.000 toneladas de lodos anuais desprenderán intensos cheiros e elementos nocivos: está demostrado que o “secado en túnel” non consegue evitalo.

O compost de mala calidade obtido na reciclaxe acumúlase porque ninguén o quere: en Nostián xa non teñen onde metelo.

A “gasificación por plasma” é realmente unha incineración encuberta que lanza ao aire abundantes elementos dañinos.

Máis de 500 camións descargarán diariamente residuos urbanos e industriais: con ese inmenso volume é imposible que non se produzan verquidos.

O río Avia será desecado cando se utilice nas tarefas de mantenemento do inmenso complexo industrial.

Enormes depósitos de disolventes químicos crearán perigo de explosión. Este tipo de alertas xa se ten producido.

Algos cargos da Xunta recoñecen que na “Estación de Transferencia” se van almacenar importantes cantidades de residuos tóxicos e perigosos en espera de destino.

Toneladas de refugallos non aproveitables se enterrarán nas inmediacións. As propias autoridades recoñecenq ue isto está a ocorrer en Cerceda e que resulta inevitable.

8.- Suporá un enorme retroceso para bodegueiros e viticultores.

A Denominación de Orixe do Ribeiro carecerá dun entorno natural de apariencia higiénica. Se deteriorará o prestixio e a imaxe de calidade dos nosos viños.

9.- Destruirá a actividade turística e comercial.

A natureza, o patrimonio histórico e o turismo termal, coa actividade comercial asociada, son boas bazas para o Ribeiro. ¿Qué podería ofrecer unha Comarca nauseabunda que vide de tratar residuos?

10.- O ambiente pestilente e o risco de enfermedades forzará a moitos veciños a abandoar as súas casas.